Girmek
17-nji BMG-niň Baş Assambleýasynyň durnukly ösüş hepdesiniň çäklerinde durnukly ulag boýunça ýokary derejeli ýygnak geçirildi.
Nýu-Ýorkda geçirilen ýokary derejeli ýygnagyň dowamynda durnukly ulag ulgamynyň ykdysady, durmuş we ekologiýa babatdaky deňagramlylygyny saklamak, 2030-njy ýyla çenli Durnukly ösüş meýilnamasynyň durmuşa geçirilmegini tizleşdirmek maksady bilen durnukly ulag ulgamynyň artykmaçlyklaryndan doly peýdalanmak boýunça çözgütler ara alnyp maslahatlaşyldy.
BMG-niň ýokary derejeli ýygnagynda «Türkmendeňizderýaýollary» agentliginiň başlygy Batyr Annaýew çykyş edip, Türkmenistanyň Prezidentiniň ulag diplomatiýasyny ösdürmegiň 2022-2025-nji ýyllar üçin Maksatnamasyny durmuşa geçirmegiň esasy ugurlary we anyk ädimleri bilen giňişleýin tanyşdyrdy.
Çäräniň dowamynda oňa gatnaşyjylar ulag-logistika pudagyndaky kynçylyklary ýeňip geçmegiň usullary, bu ulgamdaky sebitleýin we ählumumy böwetleri peseltmegiň ýollary we BMG-ä agza ýurtlaryň ulag ösüşi babatyndaky başlangyçlaryny öňe sürmek babatynda özara pikir alyşdylar.