Girmek
Futbol boýunça Türkmenistanyň çempionatynyň 5-nji tapgyrynda «Altyn asyr» 2:0 hasabynda «Ahaly» ýeňlişe sezewar etdi. Oýun Ahal welaýatynyň Babarap geňeşliginiň çäginde geçirildi.
Oýunda «Altyn asyra» ýeňiş getiren gollaryň ikisini hem Selim Nurmyradow öz adyna ýazdyrdy. Ol 26-njy we 38-nji minutlarda tapawutlanmagy başardy.
Bu üstünlik «Altyn asyr» üçin möwsümiň şowsuz badalgasyndan soňra bassyr gazanylan ikinji ýeňişdir. Möwsüme yzly-yzyna gazanylan üç ýeňiş bilen başlan «Ahal» üçin bolsa bu şowsuzlyk bassyr ikinji ýeňlişdir.
Indiki tapgyrda «Ahal» 6-njy aprel güni myhmançylykda «Nebitçi bilen güýç synanyşar. «Altyn asyr» bolsa şol gün «Aşgabat» bilen duşuşar.