Girmek
Energetika pudagynda özüni ygtybarly hyzmatdaş hökmünde görkezen «Türkmen Ýyldyzy» hojalyk jemgyýeti Türkmenistanyň Senagatçylar we telekeçiler birleşmesiniň döredilmeginiň 16 ýyllygyna bagyşlanan köpugurly sergä gatnaşýar.
«Türkmen Ýyldyzy» alyp barýan iş ugry bilen baglylykda, elektrik geçirijilerini gurmak, podstansiýalary oturtmak we abatlamak, ýokary woltly elektrik geçirijilerini we podstansiýalary taslamalaşdyrmak, enjamlary synagdan geçirmek, rele goragyny sazlamak, elektrik maşynlaryny we transformatorlary bejermek, gurnamalary taýýarlamak, metallary tejribehana synaglaryndan geçirmek, gurluşyk-gurnama işleri ýaly hyzmatlaryň giň toplumyny hödürleýär.
Bulardan başga hem, «Türkmen Ýyldyzy» kärhanasy binalarda we ýaşaýyş jaýlarynda elektrik energiýasynyň geçirilmeginde ulanylýan 35-den gowrak görnüşli izolirlenen gurnama kabellerini we dürli ululykdaky simleriň önümçiligini alyp barýar. Önümler «Gerim» haryt nyşany bilen öndürilýär. Döwrebap tehnologiýalaryň we ýokary hilli materiallaryň ulanylmagy netijesinde «Gerim» kabel-sim önümleri ýokary derejede ygtybarly we uzak möhlete hyzmat etmäge ukyplydyr. Mundan başga-da, bu ýerde ähli önümler berk hil gözegçiliginden geçirilýär we halkara standartlarynyň talaplaryna laýyk gelýär.
Kärhananyň Aşgabatda we ýurduň ähli welaýatlarynda hem söwda nokatlarynyň bardygyny bellemelidiris.
Kabel önümleri bilen birlikde, «Türkmen Ýyldyzy» gurluşyk we elektrik gurnama işlerinde ulanylýan metal gurnamalaryny we demirbeton önümlerini öndürýär.
«Ygtybarlylyk, hünär ussatlygy we innowasion çemeleşmeler — «Türkmen Ýyldyzy» tarapyndan hödürlenýän energetika çözgütleriniň esasy aýratynlyklary» — diýip, kärhananyň wekili belleýär.
15 ýyl bäri üstünlikli alyp barýan işinde «Türkmen Ýyldyzy» kärhanasy 50-den gowrak iri hususy we döwlet kärhanalary, şeýle hem «Petronas», «Белгорхимпром», «Rönesans», CNPC, CNLC, CPTC, SINOPEC, «SinoPetroleum», «Çalyk Enerji», «Dragon Oil», «Adipson» hem-de beýlekiler ýaly halkara derejeli ägirt uly kompaniýalaryň şahamçalary bilen hyzmatdaşlyk edip, Türkmenistanda köp sanly taslamalary durmuşa geçirdi.
Baý tejribä, ýokary hünärli işgärlere we häzirki zaman önümçilik potensialyna eýe bolan «Türkmen Ýyldyzy» kärhanasy önümçiligiň netijeliligini yzygiderli ýokarlandyrmak we innowasiýa tehnologiýalaryny ornaşdyrmak bilen, islendik çylşyrymly meseleleri üstünlikli çözýär.
«Biz isleg bildirýän ähli adamlary sergidäki diwarlygymyza baryp görmäge we «Türkmen Ýyldyzynyň» dürli hyzmatlary we önümleri bilen tanyşmaga çagyrýarys. Hünärmenlerimiz soraglaryňyza jogap bermekden we işiňiz üçin iň amatly çözgütleri tapmaga ýardam etmekden hoşal bolarlar» — diýip, kärhananyň wekili aýdýar.
«Türkmen Ýyldyzy» kärhananyň ofisi şu salgyda ýerleşýär: 746134, Lebap welayaty, Sakar şäheri, S.A.Nyýazow şaýoly, 1A jaýy. Telefon belgisi: (+993 433) 2 70 12.
Sebitleýin dilerlere habarlaşmak üçin maglumatlar:
- Aşgabat: (+993 63) 59 64 95;
- Ahal welaýaty: (+993 63) 59 64 95;
- Balkan welaýaty: (+993 63) 59 64 95;
- Mary welaýaty: (+993 63) 59 02 31;
- Lebap welaýaty: (+993 63) 59 90 47;
- Daşoguz welaýaty: (+993 63) 59 90 47;
- Kompaniýanyň web saýty: www.yyldyz.com;
- Elektron poçta salgysy: admin@yyldyz.com.