Futbol boýunça Türkmenistanyň milli ýygyndysy DÇ-2026-nyň saýlama tapgyrynyň möhüm oýunlaryna taýýarlanýar. 14-nji martda Mergen Orazowyň şägirtleri Gazagystan bilen ýoldaşlyk duşuşygynda meýdança çykarlar. Oýun iki taparyň ylalaşygy esasynda ýapyk ýagdaýda geçiriler. Bu barada milli ýygyndynyň metbugat gullugy habar berdi.

Mundan ozal, 12-nji martda türkmen futbolçylary BAE-däki okuw-türgenleşik ýygnanyşygyna ugrarlar. Ol ýerde topar öňdäki möhüm oýunlara taýýarlyk görer.

Ýeri gelende bellesek, Türkmenistan 21-nji martda Tähranda, 26-njy martda bolsa Aşgabatda Eýranyň milli ýygyndysy bilen duşuşar.

Häzirki wagtda Türkmenistan DÇ-2026-nyň saýlamasynyň ikinji tapgyrynyň «B» toparçasynda üçünji orny eýeläp dur. Türkmen futbolçylary ilkinji tapgyrda Özbegistanda 1:3 hasabynda ýeňlen bolsa, ikinji tapgyrda myhmançylykda Gonkong bilen 2:2 hasabynda deň oýnady.