Girmek
Aşgabatda «AFC Women’s Football Day 2024» — AFK aýal-gyzlaryň futbol güni bellenildi. Türkmenistanyň Futbol federasiýasy bilen Türkmenistanyň Bedenterbiýe we sport baradaky döwlet komitetiniň bilelikde guramagynda geçirilen çäräniň esasy maksady ýurtda zenanlaryň futbola bolan söýgüsini ýokarlandyrmakdan hem-de ýaşajyk gyzjagazlary futbol bilen meşgullanmaga höweslendirmekden ybarat boldy.
Baýramçylyk maksatnamasynyň çäginde ýörite bäsleşikler guralyp, gyzlar üçin futbol festiwaly geçirildi. Gyzjagazlar dürli ugurda öz başarnyklaryny görkezdiler. Futbol festiwalynyň soňunda gatnaşyjylara TFF-niň taýýarlan ýörite sowgatlary, futbol toplary dabara bilen gowşuryldy.
TFF-niň habar berşi ýaly, futbol festiwalyna Türkmenistanyň zenanlar ýygyndysynyň oýunçylary we ýaş futbolçylar gatnaşdylar.
Bu çärelere futbol boýunça Türkmenistanyň zenanlar ýygyndysynyň baş tälimçisi Kamil Mingazowyň hem gatnaşandygyny bellemelidiris.