«Ahal» futbol boýunça Türkmenistanyň çempionatynyň 2-nji tapgyrynda «Merwi» ýeňlişe sezewar etdi. Baýramaly şäherinde geçirilen oýun myhmanlaryň 1:0 hasabyndaky ýeňşi bilen tamamlandy. Oýundaky ýeke-täk gol Ýazgylyç Gurbanow tarapyndan 11 metrlik jerime urgusyny dürs ýerine ýetirmek arkaly derwezä gönükdirildi.

Şeýlelikde, ýeňişden soňra «Ahal» 6 utuk bilen Ýokary liganyň turnir tablisasynda liderlik edýär. Ikinji orundaky «Aşgabatda» 4 utuk bar. «Merw» bolsa 2 utuk bilen bäşinji orny eýeläp dur.

Serdar Geldiýewiň şägirtleri indiki tapgyrda 10-njy mart güni «Şagadam» bilen güýç synanyşarlar.

2-nji tapgyryň netijeleri:

• «Arkadag» – «Altyn asyr» – 3:0
• «Energetik» – «Aşgabat» – 0:3
• «Şagadam» – «Nebitçi» – 1:2
• «Merw» – «Ahal» – 0:1