Girmek
Şu gün Aşgabatda «Arkadag Serdarly bagtyýar ýaşlar» ýylynyň jemlerine bagyşlanan halkara ylmy-amaly forum açyldy. Maslahatyň maksatnamasy türkmen ýaşlarynyň ähli ugurlarda Türkmenistanyň ösüşine goşýan goşandyny açyp görkezmegi öz içine alýar.
Forumda çykyş edenleriň arasynda Türkmenistanyň Hökümetiniň, Mejlisiniň we Halk Maslahatynyň wekilleri, bilim edaralarynyň, ylmy jemgyýetçiligiň ýolbaşçylary, habar beriş serişdeleriniň we ýurduň beýleki möhüm edaralarynyň wekilleri bar.
Gün tertibinde türkmen ýaşlarynyň döwlet dolandyryşynda tutýan orny, ýurduň daşary syýasaty, tehnologik ösüş, ykdysady we söwda gatnaşyklaryny ösdürmek, oba hojalygy we Türkmenistanyň energetika toplumy ýaly möhüm meselelere garamak göz öňünde tutulýar.
Maslahatyň aýratyn bölümi, döwletiň ähli derejedäki ýaşlara berýän goldawyna bagyşlanýar.
Maslahatyň çäginde Türkmenistanyň ýaşlarynyň «Arkadag Serdarly bagtyýar ýaşlar» şygary bilen geçirilen ýylda gazanan üstünlikleriniň sergisi hem açyldy.
Ozal Türkmenistanda Halkara ýaşlar maslahatynyň web sahypasynyň açylandygyny habar beripdik. Bu ýerde maslahatyň maksatnamasy bilen tanşyp, forum hakda doly maglumat alyp bilersiňiz. Şeýle hem bu sahypa talyplar we ýurduň ýaş hünärmenleri tarapyndan dürli ugurlarda işlenip düzülen iň oňat taslamalary görkezýär.