Türkmenistanyň we Türkiýäniň daşary işler ministrleri dürli ugurlardaky hyzmatdaşlygy işjeňleşdirmek barada ylalaşdylar

Ozal habar berşimiz ýaly, şu gün Türkmenistanyň daşary işler ministri Raşid Meredowyň we Aşgabada resmi sapar bilen gelen Türkiýe Respublikasynyň daşary işler ministri Hakan Fidanyň arasynda gepleşikler geçirildi.

Ministrler syýasy-diplomatik gatnaşyklaryň mundan beýläk ösdürilmegi, parlamentara hyzmatdaşlygyň giňeldilmegi, şertnama-hukuk binýadyň berkidilmegi baradaky meseleleriň giň toplumyna seretdiler. Taraplar daşary söwda ulgamynda, energetika, ulag, gurluşyk we senagat, dokma pudagynda hyzmatdaşlygy işjeňleşdirmek barada ylalaşdylar. Bu barada Türkmenistanyň DIM-niň resmi saýtynda habar berildi.

Duşuşygyň netijeleri boýunça Türkmenistanyň Daşary işler ministrligi bilen Türkiýe Respublikasynyň Daşary işler ministrliginiň arasynda 2024-2025-nji ýyllarda hyzmatdaşlyk etmegiň Maksatnamasyna gol çekildi.

Şeýle hem ylym we bilim, sport, saglygy goraýyş ugurlarda üstinlikli özara hyzmatdaşlygyň, medeni-ynsanperwer gatnaşyklaryň netijeli amala aşyrylýandygy hem bellenildi.

Şeýle-de okaň:

Türkiýäniň daşary işler ministriniň Türkmenistana sapary başlandy

Afişa

Makalalar