Girmek
Türkmenistanyň Saud Arabystany Patyşalygyndaky ilçisi Orazmuhammet Çaryýew penşenbe güni Saud Arabystanynyň daşary işler ministriniň köptaraplaýyn halkara gatnaşyklar boýunça orunbasary Abdul Rahman bin Ibrahim Al-Rassi bilen gepleşik geçirdi.
Duşuşyk Er-Riýad şäherinde geçirildi diýip, Türkmenistanyň Daşary işler ministrligi habar berdi.
Habarda bellenilişi ýaly, taraplar ikitaraplaýyn gatnaşyklaryň, hususan-da ykdysady, ulag, üstaşyr we energetika ugurlaryndaky hyzmatdaşlygy giňeltmegiň geljegini ara alyp maslahatlaşdylar.
Ozal Türkmenistanyň Saud Arabystany Patyşalygyndaky ilçisi Orazmuhammet Çaryýewiň Er-Riýad şäheriniň Sergiler merkeziniň ýolbaşçysy bilen duşuşandygyny habar beripdik.