Girmek
Türkmenistanyň Prezidenti Serdar Berdimuhamedowyň gol çeken resminamalaryna laýyklykda, Kakageldi Öwezgeldiýewiç Çaryýardurdyýew, başga işe geçmegi sebäpli, Türkmenistanyň Prezidentiniň Metbugat sekretary wezipesinden boşadyldy. «Watan» habarlar gepleşiginde habar berlişi ýaly, bu wezipä Azat Gadamowiç Jepbarow bellenildi. Habar berşimiz ýaly, A.Jepbarow, başga işe geçmegi sebäpli, «Bereketli toprak» gazetiniň baş redaktory wezipesinden boşadyldy.
A.Jepbarow ozal «Nesil» gazetiniň baş redaktorynyň orunbasary wezipesinde işledi, 2018-njy ýylyň mart aýynda bolsa, Türkmenistanyň Prezidentiniň Permany bilen, «Bereketli toprak» gazetiniň baş redaktory wezipesine bellenildi.
Ozal habar berşimiz ýaly, A.Jebparow şu ýylyň fewral aýyndan bäri Türkmenistanyň Halk Maslahatynyň köpçülikleýin habar beriş serişdeleri boýunça metbugat wekili wezipesini hem ýerine ýetirýärdi.
K.Çaryýardurdyýew 2008-nji ýylda Türkmenistanyň Prezidentiniň Metbugat sekretary wezipesine bellenilipdi.