Girmek
Ozal habar berşimiz ýaly, şu gün Prezident Serdar Berdimuhamedow sanly ulgam arkaly şu ýylyň ýedi aýynda ýerine ýetirilen işleriň jemlerine bagyşlanan Hökümet mejlisini geçirdi.
Mejlisiň barşynda Türkmenistanyň Prezidentiniň gol çeken degişli Kararyna laýyklykda, Energetika ministrligine Türkmenistanyň Döwlet energetika institutynyň ýanaşyk çäklerinde 2 müň orunlyk täze goşmaça okuw binasynyň, 800 orunlyk umumyýaşaýyş jaýynyň, ýapyk görnüşli sport desgasynyň hem-de aýlawly ýolda monumentiň taslamasyny düzmek we olary döwrebap enjamlar bilen üpjün edip, ýanaşyk ýerlerini abadanlaşdyryp gurmak barada “Röwşen” hususy kärhanasy bilen şertnamany görkezilen binalar we desgalar üçin elektrik, aragatnaşyk, gaz, suw üpjünçiliginiň we lagymyň meýdançadan daşarky eltiji inžener ulgamlarynyň hem-de desgalarynyň durkuny täzelemek ýa-da täzelerini gurmak we olary umumyşäher ulgamyna birikdirmek işlerini ýerine ýetirmek şertinde baglaşmaga ygtyýar berildi.
"Watan" habarlar gepleşiginde habar berlişi ýaly, gurluşyk işlerine 2023-nji ýylyň sentýabr aýynda başlamak hem-de binalary we desgalary 2025-nji ýylyň sentýabr aýynda ulanmaga doly taýýar edip tabşyrmak bellenildi.