Girmek
Şu ýylyň birinji çärýeginde (Eýran senenamasyna görä, 21-nji martdan 21-nji iýuna çenli) Lutfabad serhet geçelgesinden (türkmen tarapy — Artyk) Horasan-Rezawä nebitden daşary harytlaryň eksportynyň gymmaty, ýylyň soňky döwri bilen deňeşdirilende, 103 göterim ýokarlandy.
Bu barada Lutfabadyň gümrük gullugynyň başlygy Gurban Karriminiň sözlerine salgylanyp, IRNA habarlar gullygy berdi. Karriminiň aýtmagyna görä, şu ýazda Türkmenistana 77,53 million dollarlyk harytlar eksport edildi, bu bolsa geçen ýazdakydan 38,17 million dollar köpdür.
Şu ýylyň birinji çärýeginde Türkmenistana 107,500 tonna haryt eksport edildi we bu görkeziji 64 göterim ýokarlandy. Ýeri gelende bellesek, eksport edilen bu harytlara dört müňden gowrak gümrük deklarasiýasy berildi.
— Gurluşyk daşy, sement ýaly gurluşyk materiallary, makaron ýaly ýükler we azyk önümleri Eýranyň Türkmenistana eksport edýän harytlarynyň esasy bölegini düzýär - diýip, Karrimi belleýär.