«Futsal World Ranking» futzal boýunça milli ýygyndylaryň şu ýylyň iýun aýyndaky reýting sanawyny paýlaşdy.

Täzelenen sanawda Türkmenistanyň milli ýygyndysy 71-nji basgançakdan özüne orun aldy. Türkmen ýygyndysynyň utugy 879-a çykdy.

Reýtingde ilkinji bäş orny Braziliýanyň, Portugaliýanyň, Ispaniýanyň, Argentinanyň we Russiýanyň ýygyndylary eýeleýär.

Aziýa yklymy boýunça alnanda türkmen ýygyndysy 14-nji basgançakdadyr. Yklymyň öňdebaryjylarynyň hatarynda Eýran, Ýaponiýa, Özbegistan, Taýland we Awstraliýa bar.

Türkmen ýygyndysynyň 23 ― 30-njy iýul aralygynda Duşenbe şäherinde geçiriljek Merkezi Aziýanyň çempionatyna gatnaşjakdygyny ýatladýarys. Bu ýaryşda Eýranyň, Täjigistanyň, Özbegistanyň, Gyrgyzystanyň hem-de Owganystanyň ýygyndylary hem güýç synanyşar.

Bu ýaryş Ýakup Öwezowyň şägirtleri üçin Aziýanyň kubogy ― 2024-iň 7 ― 11-nji oktýabr aralygynda Daşkent şäherinde geçiriljek saýlama tapgyryna taýýarlygyň bir tapgyry bolar.