Girmek
Türkmenistanyň milli ýygyndysy Merkezi Aziýanyň Futbol Assosiasiýasynyň Milletler Kubogy — 2023 ýaryşynyň toparçalaýyn tapgyrynyň üçünji aýlawynda Omanyň milli ýygyndysyndan asgyn geldi. Ýekşenbe güni Daşkent şäherinde geçirilen oýun 2:0 hasabynda Omanyň peýdasyna tamamlandy.
Duşuşygyň dowamynda birnäçe owadan seýwleri bilen toparyny goldan halas eden Omanyň milli ýygyndysynyň derwezeçisi Ibrahim Al-Muhaini oýnuň iň gowy oýunçysy hökmünde ykrar edildi.
Mergen Orazowyň şägirtleri toparçada iň soňky orny eýeläp, tunirdäki ýörişlerini bes etdiler. Omanyň milli ýygyndysy bolsa Merkezi Aziýanyň Futbol Assosiasiýasynyň Milletler Kubogy — 2023-iň üçünji orny üçin Gyrgyzystanyň milli ýygyndysy bilen güýç synanyşar. Ýaryşyň final oýny bolsa Eýranyň we Özbegistanyň ýygyndylaryň arasynda bolup geçer. Duşuşyklaryň ikisi hem 20-nji iýunda geçiriler.