TDIM-niň Halkara gatnaşyklary institutynda Türkmenistanyň diplomatiýasynyň energetika, ulag we suw ugurlary boýunça guralan internet olimpiadasynyň ýeňijilerini sylaglamak dabarasy geçirildi. Bu barada «Türkmenistan: Altyn asyr» elektron neşiri habar berýär.

Internet olimpiadasyna Türkmenistandaky ýokary okuw mekdepleriniň 11-sinden talyplaryň 120-den gowragy gatnaşdy.

Ýaryşda birinji orna 8 sany gatnaşyjy mynasyp bolup, olaryň ählisi Halkara ynsanperwer ylymlary we ösüş uniwersitetiniň talyplarydyr:

Abdyleziz Saryýew,

Enejan Açilowa,

Serwi Nuryýewa,

Saida Halmamatowa,

Begli Ataýew,

Kemal Annagurbanow,

Amangül Nurjanowa,

Derkarberdi Orazberdiýew.

Internet olimpiadasynda 7 sany gatnaşyjy ikinji orna mynasyp boldy. Olaryň 6-sy Halkara ynsanperwer ylymlary we ösüş uniwersitetiniň, ýene biri bolsa Magtymguly adyndaky TDU-nyň talyby.

Üçünji orna bolsa 41 talyp mynasyp boldy.

Internet olimpiadasynyň ýeňijilerine we baýrakly orunlary eýelänlere guramaçylar tarapyndan degişli derejelerdäki diplomlar we gymmat bahaly sowgatlar gowşuryldy.

Şeýle-de, 41 sany talyp höweslendiriji baýraklara laýyk görüldi.