Düýn Türkmenistanyň 20 ýaşa çenli ýaşlar ýygyndysy Merkezi Aziýanyň futbol assosiasiýasynyň (CAFA) çempionatyndaky ilkinji duşuşygyny geçirdi.

Duşenbe şäherindäki SSKA stadionynda geçirilen duşuşykda türkmenistanly futbolçylar Owganystanyň ýaşlar ýygyndysyndan 1:2 hasabynda asgyn geldiler.

Şeýle hem düýn Özbegistanyň ýygyndysy Eýrany 3:2 hasabynda ýeňdi.

Ýaryş şu gün 2-nji tapgyryň duşuşyklary bilen dowam eder. Olar Türkmenistan bilen Özbegistanyň, Owganystan bilen Täjigistanyň ýaşlar ýygyndylary güýç synanyşar.

Ýaryşyň bir aýlaw görnüşinde Täjigistanyň Duşenbe we Tursunzade şäherlerinde geçirilýändigini ýatladýarys.