Şu gün Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi.

Ministrler Kabinetiniň Başlygynyň orunbasary B.Annamämmedow Aşgabadyň şähergurluşyk-binagärlik keşbini mundan beýläk-de özgertmek, şäher ýaşaýjylary üçin has amatly durmuş we dynç alyş şertlerini döretmek boýunça alnyp barylýan işler barada hasabat berdi. Bu barada «Türkmenistan: Altyn asyr» elektron neşiri ýazýar.

Wise-premýer ýurduň şäherlerini, şol sanda özboluşly binagärlik çözgütlerini peýdalanmagyň mysaly hökmünde Aşgabady toplumlaýyn gurmak boýunça ozal beren tabşyryklarynyň ýerine ýetirilişi barada hasabat berdi. Hususan-da, täze döwrebap ýaşaýyş jaýlaryny gurmagyň bellenilen tertipde ylalaşylan taslamasynyň meýilnamasy we çyzgysy taýýarlanyldy.

Prezident Serdar Berdimuhamedow hasabaty diňläp, ýurduň baş şäheriniň hemmetaraplaýyn ösdürilmegine aýratyn üns berilýändigini belledi hem-de bu babatda wise-premýere birnäçe anyk tabşyryklary berdi.