Garyşyk göreş boýunça türkmenistanly pälwan Döwletjan Ýagşymyradow Bellator 292-niň çäginde litwaly Julios Englokas bilen boljak tutluşygynyň türgenleşik lagerindäki taýýarlygyny tamamlady. Ol bu barada özüniň jemgyýetçilik torlaryndaky hasabyndan habar berdi.

«Ine-de, biziň tutluşyga taýýarlygymyz tamamlandy. Lagerde maňa kömek edenleriň ählisine hoşallyk bildirýärin» diýip, pälwan ýazdy.

Döwlet Ýagşymyradowyň ýarymagyr agram derejesindäki tutluşygynyň 10-njy martda ABŞ-nyň Kaliforniýa ştatynyň San-Hose şäherindäki «SAP-sentr» sport toplumynda geçiriljekdigini ýatladýarys.