Girmek
Nebitiň nyrhy rekord derejede islegiň artmagy bilen baglylykda bir barrel üçin 100 amerikan dollaryna dolanyp baryp biler. Bu barada «TotalEnergies» kompaniýasynyň başlygy Patrik Puýanneniň sözlerini getirmek bilen, «Bloomberg» habar berdi.
«Men nebitiň bahasynyň barrel üçin 100 dollar derejä gaýdyp barmagyny asla geň görmezdim» diýip, ol aýtdy.
Patrik Puýanne şeýle-de nebit önümleriniň telekeçilik gorlarynyň azalandygyny belledi.
Nebitiň gymmatlamagy barada şeýle çaklamany Eýranyň OPEK guramasyndaky wekili Afşin Jawan hem aýtdy. Ol nebitiň dünýä bahalarynyň eýýäm 2023-nji ýylyň ikinji ýarymynda 100 dollara ýetip biljekdigini çaklaýar. Muňa Hytaý tarapyndan islegiň dikelmegi we satuwlaryň çäklendirilmeleri sebäp bolar. Bu barada «Kapital.kz» saýty ýazýar.