Daşoguzyň Nurmuhammet Andalyp adyndaky Döwlet sazly-drama teatry ýazyjy we dramturg Hemra Şiriň eseri esasynda «Azaşan owlak» atly aýdym-sazly sahna oýny goýuldy.

«Türkmenistan: Altyn asyr» neşiriniň ýazmagyna görä, bu eser ýurduň Garaşsyzlygynyň 31 ýyllygyna teatryň sowgady boldy. Eseriň režissýory Guwanç Baýmedowdyr.

«Çagalar ― geljekki biz. Olar tertipli bolmaly we tertipli bolmaga çagyrýan edebiýat bilen ýakyndan tanyşmaly. Hemra Şiriň ertekisi bolsa hut şeýle eser» diýip, režissýor neşiriň habarçysy bilen pikirlerini paýlaşdy.