«Ahalyň» ýarym goragçysy Arslanmyrat Amanow Ýokary liganyň şu möwsüminde 11 metrlik jerime urgusyndan dürs peýdalanan ilkinji futbolçy boldy. Ol paýtagtdaky «Nusaý» stadionynda «Nebitçi» bilen geçirilen duşuşygyň 56-njy minudynda jerime urgusyny dürs ýerine ýetirip, toparynyň ýeňşini berkitdi.

Umuman, 1-nji tapgyrda iki futbolçynyň 11 metrlik jerime urgusyndan dürs peýdalanyp bilendigini aýtmak gerek. Arslanmyrat Amanowdan soň duşuşygyň 85-nji minudynda «Ahalyň» hüjümçisi Didar Durdyýew hem bu başarnygy gaýtalady.

Tapgyrdaky «Köpetdag» ― «Merw» (0:1) duşuşygynda ýer eýelerinden Begenç Akmämmedowyň 11 metrlik jerime urgusyndan dürs peýdalanyp bilmändigini ýatladýarys.