BAE-nyň ilçisi Ahmed Al-Haý Al Hameli Türkmenistanyň Welosport federasiýasynyň ýolbaşçysy Döwletgeldi Annaýew bilen duşuşdy. Bu barada BAE-nyň Türkmenistandaky ilçihanasynyň resmi Twitter hasabynda habar berilýär.

Duşuşyk Aşgabatdaky Türkmenistanyň Sport we ýaşlar syýasaty ministrliginiň binasynda geçirildi. Taraplar BAE bilen Türkmenistanyň Welosport federasiýalarynyň arasyndaky hyzmatdaşlygyň geljegine garadylar. Şeýle hem BAE Welosport federasiýasy tarapyndan sport ýygnanşygyny geçirmegiň mümkinçiligini ara alyp maslahatlaşdylar.