Girmek
«AkEnMar» PR agentligi bilen «Galam» mekdep we ofis harytlary dükany Aşgabadyň mekdep okuwçylaryny Rubigiň kubuny tiz düzmek boýunça geçiriljek çempionata gatnaşmaga çagyrýar.
Bäsleşige 1 — 11-nji synp aralygyndaky okuwçylar gatnaşyp bilerler. Olar ýaş aýratynlygyna görä aýry-aýry toparlara bölüner. Ýaryşda birinji, ikinji we üçünji orunlara eýe bolan çagalara «Galam», «Bossan Concept», «Kämil Bilim» hem-de «Ak Tam bazary» ýaly çärä hemaýatkärlik edýän kärhanalar tarapyndan baýraklar gowşurylar.
Rubigiň kubuny tiz düzmek boýunça ýaryş 1-nji iýunda sagat 16:00-da «Berkarar» söwda we dynç alyş merkeziniň 0-njy gatynda ýerleşýän «Galam» dükanynyň gabadynda bolar. Ýaryşa gatnaşmaga ýazylmak üçin 75 42 11 telefon belgisine ýüz tutup bilersiňiz.