«Kitçi» bilen şertnama baglaşan Ruslan Mingazow Gonkongyň klublarynda çykyş etjek ilkinji türkmenistanly futbolçy bolar. Bu aýratynlyk AFK-nyň resmi saýtynda hem agzaldy.

Çeşme Ruslan Mingazowyň mundan ozal Aziýanyň öňdebaryjy toparlarynda çykyş etmändigini ýazdy. Onuň karýerasynyň agramly bölegi Ýewropa klublarynda geçdi.

«Kitçi» Gonkongyň Premýer-ligasynyň häzirki çempionydyr. Topar şu ýyl AFK-nyň Çempionlar ligasynda ýaryşar.

Türkmenistanda bolşy ýaly, Gonkongyň Premýer-ligasynda hem çempion AFK-nyň Çempionlar ligasyna, 2-nji, 3-nji orunlaryň eýeleri bolsa AFK-nyň kubogyna gatnaşýar.