Türkmenistanyň Prezidenti şu gün – 8-nji oktýabrda geçiren Hökümetiň giňişleýin mejlisiniň barşynda 2022-nji ýylyň 1-nji ýanwaryndan Türkmenistanda zähmet haklarynyň, pensiýalaryň, döwlet kömek pullarynyň, talyp we diňleýji haklarynyň möçberlerini ýene-de 10 göterim ýokarlandyrmak hakynda Permana gol çekdi. “Watan” habarlar gepleşiginde habar berlişi ýaly, şeýle-de Türkmenistanda aýlyk haklarynyň iň pes derejesi kesgitlenildi.