«RIA Nowosti»-niň «Merkur» portalyna salgylanyp berýän habaryna görä,  Eberhard hem Karl uniwersitetleriniň alymlary koronawirusyň adam bedeninde ýaýramagynyň dinamikasyna täsir edýän ferment tapdy.

Alymlar kompýuter simulýasiýa usulyny ulanyp, «SARS-CoV-2» wirusynyň öýjükleriň içindäki implantasiýa kömek edýän käbir maddalary öndürmegine sebäp bolýandygyny anykladylar. Bu amalda guanilatkinaz 1 (GK1) fermenti möhüm rol oýnaýar, sebäbi ol aýrylandan soň «SARS-CoV-2»-iň köpeliş işjeňligi bes edilýär.

Alymlar bu açyşyň «COVID-19» üçin dermanlary ösdürmekde we gowulaşdyrmakda möhüm tapgyr boljakdygyna ynanýarlar.