Düýn Russiýa Federasiýasynyň Krym sebitinde howanyň temperaturasynyň 17 derejeden ýokary bolup, täze rekord goýandygy habar berildi.

Krymyň gidrometeorologiýa merkeziniň beren beýanynda: “5-nji ýanwarda täze rekord goýuldy. Howanyň temperaturasy 17,6 dereje ýetdi. Öňki ýazgy 1931-nji ýylda 14,4 dereje bilen hasaba alyndy.” – diýlip bellenildi. Krymda bu gyşyň yssydygy we 31-nji dekabrda temperatura rekordynyň bolandygy mälim edildi.

Täze ýylyň ilkinji günleri Krymda yssy we gurak howa gündizine 10-15 dereje bolup, gijelerine 5-7 dereje peselýär. Şeýle-de bolsa, geljek hepdäniň ahyrynda ýagdaýyň üýtgemegine garaşylýar. Demirgazykdan gelýän sowuk howanyň ýarym ada täsir etmegine we howanyň temperaturasynyň 5-7 dereje peselmegine garaşylýar.