Girmek
MMA Daily habarlar gullugynyň ýazmagyna görä, russiýaly ýeňilmezek pälwan Muslim Magomedow ACA-nyň ýeňil agram derejesiniň guşagy ugrundaky göreşde ildeşimiz Döwletjan Ýagşymyradowyň nobardaky garşydaşy hökmünde görülýär.
Ýöne bu maglumat heniz doly tassyklanmadykdyr.
31 ýaşly türkmenistanly pälwan 2018-nji ýylda ozalky çempion Batraz Agnaýewi (Russiýa) ýeňip, guşaga eýe bolupdy. Soňra iki tutluşykda ol guşagy ussatlarça goramagy başardy. Ildeşimiziň karýerasynda häzir 18 ýeňiş, 5 utulyş we bir deňlik bar.
Onuň bu gezekki garşydaşynyň bolsa soňky ýedi duşuşykda ýeňilmän gelýändigini aýratyn aýtmak gerek.