Girmek
Polşanyň çempionatynyň dördünji diwizionynda ýaryşýan «Žyrardowianka» futbol topary öz resmi saýtynda «Şagadamdan» Ýunus Hürmenowy transfer edendigini habar berdi. Polşada transfer penjiresi awgust aýynyň ahyryna çenli dowam edýär.
25 ýaşly, Balkanabatda doglan futbolçy mundan ozal ýurdumyzdaky «Ýedigen», «Köpetdag» we «Energetik» toparlarynda futbol oýnap, şu ýylyň ýanwarynda «Şagadama» goşulypdy.
Žirarduw şäherine wekilçilik edýän «Žyrardowianka» futbol topary 1923-nji ýylda döredildi. Topar häzir ýurduň çempionatynyň dördünji dwizionynda ýaryşýar. Toparyň iň uly üstünligi üçünji diwiziona çykmakdyr.