Litwada geçiriljek futzal boýunça dünýä çempionatynyň başlanmagyna dokuz aý galdy. Çempionatyň guramaçylyk topary tarapyndan onuň resmi nyşany tassyklanyldy ― diýip, «Sputnik Litwa» neşiri habar berýär.

Nyşanda reňkleriň ajaýyp sazlaşygy emele getirilipdir. Ony döredijiler Litwanyň geçmişini we şu gününi sazlaşdyrypdyrlar.

Dünýä çempionaty şu ýylyň 12-nji sentýabry ― 4-nji oktýabry aralygynda ýurduň üç şäherinde Wilnýus, Kaunas we Klaýped şäherlerinde geçiriler. Dünýä çempionaty 1996-njy ýyldan soň ilkinji gezek Ýewropada geçirilýär.

Aşgabatda geçiriljek Aziýa çempionatynda ilkinji bäş orny eýeläp bilen ýygyndy dünýä çempionatynda ýaryşmaga hukuk gazanar.