10 ― 19-njy ýanwar aralygynda Daşkent şäherinde geçiriljek okuw-türgenleşik ýygnanyşygy bilen Özbegistanyň futzal ýygyndysy Aziýa çempionaty ― 2020-ä taýýarlanyp başlar. 

«Championat.asia» saýtynyň ýazmagyna görä, türgenleşikler «Bunýodkor» akademiýasynyň sport zalynda geçiriler. Her gün iki wagtyna geçiriljek türgenleşiklere baş tälimçi Bahodir Ahmedow 20 futzalçyny çagyrdy. Olaryň diňe 14-siniň Aziýa çempionatyna gatnaşyp biljekdigini ýatladýarys.

Daşkentdäki ýygyndan soňra, özbek ýygyndysy Baku şäherine sary ýola düşer. Bu ýerde olar Azerbaýjanyň ýygyndysy bilen ýoldaşlyk duşuşyklarynyň ikisini geçirerler. Bu duşuşyklaryň 21-nji we 23-nji ýanwarda bolmagyna garaşylýar.

26-njy fewral ― 8-nji mart aralygynda Aşgabatda geçiriljek Aziýa çempionatynda Özbegistanyň futzal ýygyndysy «C» toparçada ýaryşar. Özbek futzalçylarynyň garşydaşlary Bahreýniň, Hytaýyň we Indoneziýanyň ýygyndylary bolar.