Girmek
Şu gün Daşkentiň «Lokomotiwi» Özbegistanyň çempionatynyň 24-nji tapgyrynyň çäginde «Andijany» 4:0 hasabynda ýeňdi diýip, «Championat.asia» habar berýär.
Habarda aýdylyşy ýaly, «demirýolçularyň» gollaryny Jemşit Iskanderow (40-njy minutda), Oston Urunow (68-nji minutda), Sardor Mirzaýew (70-nji minutda) geçirdi. 89-njy minutda bolsa «Andijanyň» goragçysy Ildar Mamatkazin öz derwezesine pökgi geçirdi.
Duşuşykda esasy düzümde meýdana çykan türkmenistanly ýarym goragçy Arslanmyrat Amanow 70-nji minutda Sardor Mirzaýewiň geçiren golunyň pasyny berdi. Ildeşimiz 78-nji minutda Ibrohim Ganihonow bilen ornuny çalyşdy.
Türkmenistanyň futbol boýunça milli ýygyndysynyň kapitanynyň «Lokomotiwiň» düzümine şu ýylyň fewral aýynda goşulandygyny habar berýäris.