Türkmenistanyň erkin göreş boýunça milli ýygyndysynyň üç wekili 20-nji awgustda Slowakiýanyň Bratislawa şäherinde başlanýan ýetginjekleriň (U20) arasynda geçirilýän dünýä çempionatyna gatnaşar. Bu barada «Turkmenportal» neşiriniň habarçysy habar berýär.

Milli ýygyndynyň düzümine Azatberdi Aşyrgulyýew (61 kg çenli), Alp Arslan Begenjow (86 kg çenli) we Döwletgeldi Myradow (92 kg çenli) girýär.

Ýaryşyň guramaçysy — Bütindünýä göreş birleşigi (UWW).

Türkmenistanyň pälwanlarynyň gatnaşmagyndaky tutluşyklary «Belet» platformasy göni ýaýlymda görkezer. Göni ýaýlym Aşgabat wagty bilen 13:30-da başlanýar.