Ertir Aşgabatda «Kids Expo: Ähli zat çagalar üçin» atly Halkara sergi-ýarmarkasy öz işine başlaýar. Giň gerimli çärede ýerli we daşary ýurt kompaniýalarydyr guramalaryny öz içine alýan 100-den gowrak sergä gatnaşyjy öz diwarlyklary bilen çykyş eder.

Sergi ulular üçinem, çagalar üçinem gyzykly bolar. Myhmanlar üçin dürli döredijilik we amaly ussatlyk sapaklaryny, interaktiw oýunlary, şowhunly şüweleňleri, şeýle hem köp sanly gyzykly we öwrediji zolaklary öz içine alýan baý maksatnama taýýarlanyldy. Çagalar senagatynyň dürli ugurlaryna degişli brendler öz önümlerini köpçülige hödürlärler.

19–20-nji awgustda bu ýerde ilkinji gezek halkara küşt ýaryşy — «Kids Expo-Chess Cup 2026» geçiriler. Baýramçylyk maksatnamasy myhmanlara «Küşt adajygy» atly bitewi sergi bölüminde garaşýar.

«Kids Expo: Ähli zat çagalar üçin» sergisiniň çäklerinde ýörite mekdep ýarmarkasy, şeýle hem kitap bazary hem işlär.

Serginiň çäklerinde ilkinji gezek «MenzilMekan Animation» studiýasynyň ilkinji animasiýa 3D taslamasy — «Menekliler» görkeziler.

Sergi 19–22-nji awgust aralygynda, şol sanda görkezilen günleriň hemmesinde, şu salgydaky binada geçiriler: Türkmenistanyň Söwda-senagat edarasynyň binasy, Çandybil şaýoly, 143.

• Iş wagty: 19–21-nji awgust aralygynda: 09:00-dan 18:00-a çenli;

• 22-nji awgust aralygynda: 09:00-dan 13:00-a çenli.

• Serginiň geçirilýän ýerine şäheriň №№ 35, 54, 56, 57, 58, 103 we 121 belgili awtobuslary bilen baryp bolýar.

«Kids Expo: Ähli zat çagalar üçin» sergisinde bolup geçjek gyzykly çäreleriň hiç birini sypdyrmaň!