Wasiliý Kandinskiý dünýäniň öňdebaryjy söwdalaşyklarynda eserleriniň umumy nyrhy babatda iň gymmat rus suratkeşi diýlip yglan edildi. Abstrakt sungatyň esasyny goýujylaryň biri Kandinskiniň 40 töweregi eseriniň her biri 5 million dollara satyldy. Netijede, geleşikleriň umumy bahasy takmynan 591 million dollara deň boldy diýip, söwdalaşyklaryň jemlerine salgylanýan «MIR 24» habar berdi.

Ikinji orunda suratkeş Kazimir Maliewiç ýerleşdi, onuň satylan eserleriniň jemi nyrhy 252 million dollara deň boldy. Üçünji orunda Mark Şagal orun aldy, auksionlarda onuň her biri bäş million dollardan az bolmadyk eserleriniň satuwy jemi 162,5 million dollar girdeji getirdi.