Tatarystan Respublikasynyň wekiliýeti Türkmenbaşy şäherine amala aşyrýan iş saparyny dowam etdirýär. Maksatnama laýyklykda, Tatarystan Respublikasynyň Premýer-ministriniň orunbasary, Bütindünýä tatar kongresiniň Milli geňeşiniň başlygy Wasil Gabtelgaýazowiç Şaýhraziew Türkmenbaşy şäheriniň häkimi Nyýazjan Nyýazjanow bilen duşuşdy.

Duşuşygyň esasy temasy «Tatar gyzy» halkara bäsleşiginiň «Awaza» milli syýahatçylyk zolagynda (Türkmenbaşy şäheri) geçiriljek final tapgyryna görlen taýýarlyk boldy.

Häkim Nyýazjan Nyýazjanow, öz gezeginde, hyzmatdaşlygy ösdürmekde şeýle başlangyçlaryň möhüm orun tutýandygyny nygtady we taslamanyň üstünlikli durmuşa geçirilmegi üçin zerur bolan ähli goldawy bermäge taýýardygyny mälim etdi.