Günorta Koreýanyň Pusan şäherinde ÝUNESKO-nyň Bütindünýä mirasynyň komitetiniň 48-nji mejlisi resmi taýdan tamamlandy. Mejlisin işine ÝUNESKO-nyň agza 196 ýurdundan 3 müň töweregi wekiliýet gatnaşdy.

Türkmenistandan bu foruma ÝUNESKO-nyň işleri barada Türkmenistanyň Milli toparynyň jogapkär sekretary Çynar Rüstemowa we Türkmenistanyň Koreýa Respublikasyndaky Adatdan daşary we Doly ygtyýarly ilçisi Begenç Durdyýew wekillik etdiler.

Mejlisiň dowamynda ÝUNESKO-nyň bütindünýä mirasynyň sanawyna 25 sany täze desga girizildi, olaryň 19-sy medeni, 5-si tebigy we biri garyşyk (Gresiýadaky Olimp dagynyň tebigy-medeni sebiti) desgalardyr. 

Mejlisiň netijeleri boýunça Pusan deklarasiýasy kabul edildi. ÝUNESKO-nyň Bütindünýä mirasynyň komitetiniň 49-njy mejlisiniň başlygy edilip Türkiýäniň ÝUNESKO-daky hemişelik wekili, ilçi Mustafa Ýurdakul saýlandy. Komitetiniň indiki mejlisi 27-nji iýun — 7-nji iýul aralygynda Stambul şäherinde bolar.

Ozal Türkmenistanyň wekilleriniň Pusanda geçirilýän ÝUNESKO-nyň Bütindünýä mirasynyň komitetiniň mejlisine gatnaşýandygy barada beripdik.