Türkmenistanyň gurluşyk materiallaryny öndürýän öňdebaryjy kärhanalarynyň biri bolan «Ak bulut» hojalyk jemgyýeti Tbiliside geçirilen Türkmenistanyň Medeniýet günleriniň hem-de ikitaraplaýyn işewürlik forumynyň çäklerindäki ýöriteleşdirilen sergide öz önümleri bilen tanyşdyrdy. Bu çäre iki ýurduň arasynda ykdysady hyzmatdaşlygyň barha ösdürilýändiginiň aýdyň nyşany boldy. Kompaniýa bu gezek diňe bir eksportçy hökmünde däl-de, eýsem Gruziýanyň paýtagtynda öz wekilhanasyna daýanýan, ýurduň gurluşyk pudagy bilen uzak möhletleýin hyzmatdaşlyk edýän ygtybarly hyzmatdaş hökmünde çykyş etdi.

Hökümet wekiliýetleriniň, gurluşyk kompaniýalarynyň we binagärleriň arasynda kompaniýanyň üç esasy önüm toplumy aýratyn gyzyklanma döretdi. Tbilisi we Batumi şäherlerinde ýokary gatly binalaryň gurluşygynyň işjeň alnyp barylýandygy sebäpli A1 ýanmazlyk derejesine degişli BOARDLINE fasad panelleri hünärmenleriň ünsüni özüne çekdi. Şeýle hem nemes tehnologiýalarynyň esasynda öndürilen «Grilýato» metal potolok ulgamlary, kassetaly we reýkaly potoloklar ýokary geometrik takyklygy bilen tapawutlandy. Akustik paneller bolsa myhmanhanalar, işewürlik merkezleri, okuw jaýlary we konsert zallary ýaly täjirçilik maksatly binalar üçin netijeli çözgüt hökmünde ýokary baha mynasyp boldy.

«Ak bulut» HJ-niň önümçiligi ISO 9001, ISO 14001 we ISO 45001 halkara standartlaryna laýyklykda sertifikatlaşdyrylandyr. Kompaniýanyň esasy önüm ugurlary bolsa Gruziýada we Ýewropa Bileleşiginde hereket edýän talaplara laýyk gelýändigini tassyklaýan CE ýewropa nyşanyna eýedir.

Kompaniýanyň wekilleriniň bellemegine görä, Türkmenistanyň Medeniýet günlerine we işewürlik forumyna gatnaşmak iki ýurduň tehnologik hyzmatdaşlygynyň uly mümkinçiliklere eýedigini ýene bir gezek görkezdi. Tbiliside wekilhananyň bolmagy gruzin gurluşykçylaryna türkmen gurluşyk materiallaryny göni we gysga möhletde, Ýewropa hil kepilligi bilen almaga mümkinçilik berýär.

Tbilisi şäherindäki wekilhananyň maglumatlary:

+995 596 366 336

sales@akbulut.ge

export@akbulut.info

resmi web-saýty: www.akbulut.com.tm & www.akbulut.ge

Habarlaşmak üçin telefon belgileri:
(+993 12) 75 42 43 / 75 42 44, (+993 62) 24 00 44, (+993 62) 24 00 55, (+993 62) 14 00 44.

Baş edara we sergi zaly (showroom):
Aşgabat şäheri, G. Kulyýew köçesi, 29/1 jaý, 3-nji gat.

Önümçilik merkezleri:

Asma potoloklary we profil ulgamlaryny öndürýän «Ak Bulut» zawody hem-de ammary — Ahal welaýaty, Ak bugdaý etraby.

Gipsokarton, BOARDLINE panellerini we gury gurluşyk garyndylaryny öndürýän «Ak bulut» zawody hem-de ammary — Lebap welaýaty, Dostluk şäheriniň eteginde.