Kolumbiýanyň milli ýygyndysy futbol boýunça 2026-njy ýylyň dünýä çempionatynyň toparçalaýyn tapgyrynyň ikinji oýnunda Kongo Demokratik Respublikasynyň ýygyndysyny 1:0 hasabynda ýeňip, pleý-off tapgyryna çykmagy üpjün etdi. Duşuşyk Meksikanyň Sapopan şäherinde geçirildi.

Duşuşykdaky ýeke-täk pökgini 76-njy minutda Daniel Munýos geçirdi.

Toparçalaýyn tapgyryň ikinji duşuşyklarynyň netijeleri boýunça dünýä çempionatynyň pleý-off tapgyryna Meksikanyň, ABŞ-nyň, Germaniýanyň, Fransiýanyň, Norwegiýanyň, Argentinanyň we Kolumbiýanyň milli ýygyndylary çykdy.

K toparçada 6 utuk toplan Kolumbiýa birinji orny eýeleýär. Ondan soň Portugaliýa (4 utuk), Kongo Demokratik Respublikasy (1 utuk) we Özbegistan (0 utuk) ýerleşýär.

Jemleýji tapgyrda Kolumbiýa Portugaliýa bilen, Kongo Demokratik Respublikasy bolsa Özbegistan bilen duşuşar. Bu oýunlar 28-nji iýunda geçiriler.