Türkmenistanda Balkan welaýatynyň Magtymguly etrabynyň Gyzyl ymam obasyna çenli «Ýegen ata» tebigy çeşmesinden suw geçirijisini gurmak üçin zerur bolan gurluşyk materiallaryny satyn almak boýunça tender bäsleşigi yglan edildi. Taslamanyň buýrujysy Balkan welaýat häkimligidir.

Bäsleşikli söwdalar 25-nji iýunda sagat 10:00-da geçiriler. Mümkin bolan üpjün edijilerden arzalary we degişli resminamalary kabul etmek 24-nji iýunda sagat 17:00-da tamamlanýar.

Tender resminamalary, üpjünçilik şertleri we talap edilýän möçberler bilen tanyşmak üçin tender boýunça iş toparyna şu salgy boýunça ýüz tutup bolýar: Aşgabat şäheri, Arçabil şaýoly, jaý 156 (Türkmenistanyň Maliýe we ykdysadyýet ministrligi). Şeýle hem degişli maglumatlar ministrligiň resmi saýtynda elýeterlidir: e.fineconomic.gov.tm. Goşmaça maglumatlar üçin telefon belgileri: 39-46-39, 39-46-38.