«Türkmenobahyzmat» döwlet birleşiginiň welaýatlardaky önümçilik birleşiklerine dünýäniň öňdebaryjy kompaniýalarynyň kuwwatly täze tehnikalary gelip gowuşdy. «Watan» habarlar gepleşiginde habar berlişi ýaly, oba hojalyk tehnikalarynyň täze tapgyry galla oragy möwsüminiň has-da guramaçylykly geçirilmeginde uly goşant bolar.

Bellenilişi ýaly, şu ýylyň galla oragyny guramaçylykly hem-de gysga möhletde geçirmek üçin bugdaý oragynyň öňüsyrasynda ýurduň welaýatlaryna oba hojalyk tehnikalaryny we ýöriteleşdirilen dürli görnüşli awtoulaglaryň ilkinji tapgyry getirildi. Täze satyn alnan däne ýygýan kombaýnlaryň, ýangyç daşaýjy awtoulaglaryň hem-de ýük daşaýjy awtoulaglaryň gelip gowuşmagy Türkmenistanyň oba hojalyk işgärleriniň şatlygyna şatlyk goşdy. Şeýle Türkmenistanyň Prezidenti ýurtda Döwlet ýer kadastry maglumatlarynyň ýeke-täk döwlet geomaglumatlar ulgamynyň maddy-enjamlaýyn binýadyny has-da pugtalandyrmak meselelerine aýratyn üns berýär. Şuňa laýyklykda, Türkmenistanyň Oba hojalyk ministrliginiň Ýer serişdeleri gullugyna «Toyota» kysymly ýeňil awtoulaglary hem-de dürli görnüşli döwrebap enjamlar satyn alyndy.