Aşgabat we Arkadag şäherlerinde 5 – 7-nji iýun aralygynda Azerbaýjanyň Medeniýet günleri geçiriler.

​Medeni çäräniň çäklerinde Azerbaýjanyň sungat ussatlarynyň konsertleri, sergiler, azerbaýjan filmleriniň görkezilişleri we ylmy maslahatlar guralar.

​5-nji iýun

«Aşgabat» kinoteatrynda sagat 10:00-dan başlap «Tagyýew: Nebit» we sagat 13:00-da «Jennet hakda arzuw» atly azerbaýjan çeper filmleri görkeziler.

Türkmenistanyň Şekillendiriş sungaty muzeýinde sagat 15:00-da «Azerbaýjanyň milli mirasynyň dürdänesi» atly serginiň açylyş dabarasy bolar.

Mukamlar köşgünde sagat 17:30-da Türkmenistanda Azerbaýjan Respublikasynyň Medeniýet günleriniň resmi açylyş dabarasy bolar.

​6-njy iýun

Arkadag şäheriniň kitaphanasynda Türkmenistanyň we Azerbaýjanyň ylmy jemgyýetçiliginiň wekilleriniň gatnaşmagynda Döwletmämmet Azadynyň bilen Seýit Azim Şirwaniniň döredijiligine bagyşlanan ylmy maslahat geçiriler.

Arkadag şäheriniň muzeýinde sagat 16:00-da «Azerbaýjan — obýektiwden taryha tarap» atly fotosergi açylar.

Görogly adyndaky Döwlet atçylyk sirkinde (Arkadag ş.) sagat 18:00-da Azerbaýjan Respublikasynyň we Türkmenistanyň sungat ussatlarynyň bilelikdäki baýramçylyk konserti bolar.

​7-nji iýun

«Aşgabat» kinoteatrynda sagat 10:00-da «Arşyn mal alan» hem-de sagat 13:00-da «Dogduk mekan» atly azerbaýjan çeper filmleri görkeziler.

Türkmenistanyň Döwlet medeniýet merkeziniň Döwlet kitaphanasynda sagat 16:00-da Magtymguly Pyragynyň we Molla Panah Wagypyň döredijiligine bagyşlanan ylmy maslahat geçiriler.

Mukamlar köşgünde sagat 19:00-da Türkmenistanda Azerbaýjan Respublikasynyň Medeniýet günleriniň ýapylyş dabarasy bolar.