Global Academy Consulting kompaniýasy entek orta mekdebi tamamlandygy hakynda şahadatnamasyny almadyk uçurymlar üçin Türkiýäniň uniwersitetlerine möhletinden öň kabul ediş hyzmatyny işe girizdi. Indi dalaşgärler okuwyny tamamlamaga garaşmazdan, häzirki okuw görkezijileriniň esasynda resminamalary tabşyryp, türk ýokary okuw mekdebinden resmi çakylyk alyp bilerler.

Maksatnama gatnaşmak üçin okuw ýylynyň üç çärýegindäki bahalary hem-de okuwçynyň derejesini tassyklaýan mekdepden kepilnama hödürlemek talap edilýär. Arza seredilip, deslapky töleg geçirilenden soň, uniwersitet dalaşgäre resmi çakylyk berýär. Bu bolsa wiza resminamalaryny öňünden taýýarlamaga mümkinçilik döredýär.

Global Academy Consulting kompaniýasynyň bellemegine görä, möhletinden öň kabul edilmek ulgamy uçurymlary şahadatnama alnan wagty bilen okuw ýylynyň başlanýan döwrüniň arasyndaky gyssagly ýagdaýlardan halas edýär. Şeýlelikde, uçurymlar mekdebi eýýäm Türkiýäniň bilim edarasynda tassyklanan orun we okuwa gitmek üçin taýýarlanan resminamalar bilen tamamlaýarlar.

Global Academy Consulting müşderilere ähli tapgyrlarda — resminamalar toplumyny taýýarlamakdan başlap, uniwersitetiň çakylygyny almaga çenli ýardam berýär. Hyzmat Türkiýäniň ýokary okuw mekdeplerinde bilimini dowam etdirmek we okuwa kabul edilmegiň möhletlerini has amatly guramak isleýän türkmen dalaşgärleri üçin niýetlenendir.a