Hindistanyň Deli paýtagt sebitinde taksi sürüjileriň üç günlük iş taşlaýyşlary başlandy. Munuň sebäbi olar ýangyjyň güýçli gymmatlamagy sebäpli, hökümetden ýolagçy gatnaw töleglerini ýokarlandyrmagy talap edýärler. Taksiçileriň kärdeşler arkalaşyklary ýurtda giňden ýaýran onlaýn - taksi gulluklarynyň özlerini ykdysady gulçulyga duçar edýändiginden nägilelik bildirýärler diýip, «The Indian Express» gazetine salgylanýan «rg.ru» ýazýar.

Iş taşlaýşa ýük ulaglarynyň we beýleki işewürlik ulaglarynyň sürüjileriniň hem goşulandygy habar berilýär.

Ýakyn Gündogardaky gapma-garşylyk hem-de Ormuz bogazynyň ýapylmagy netijesinde, Hindistan energiýa kynçylygyna duçar boldy. Bu günorta aziýa respublikasy bogazdan sarp edilýän nebitiň 50 we suwuklandyrylan gazyň 80-90 göterimini import edýärdi.