Londonyň «Arsenal» topary jogap ýarym final duşuşygynda Madridiň «Atletiko» klubuny 1:0 hasaby bilen ýeňip, Çempionlar ligasynyň finalyna çykdy. Duşuşyk «Arsenalyň»  öý stadionynda geçirildi.

Duşuşykdaky ýeke-täk pökgini 45-nji minutda Bukayo Saka geçirdi. Birinji oýunda toparlar 1:1 hasabynda deňme-deň oýnadylar.

«Arsenal» üçin bu klubyň taryhynda diňe ikinji gezek Çempionlar ligasynyň finalydyr. Ilkinji gezek «Arsenal» 2005/06 möwsüminde aýgytlaýjy duşuşyga ýetipdi, emma şol wagt Ispaniýanyň «Barselona» toparyndan 1:2 hasabynda ýeňilipdi.

Finala gatnaşmaly ikinji klubyň ady çarşenbe güni belli bolar: Münhende Germaniýanyň «Bawariýa» we Fransiýanyň «Pari Sen-Žermen» toparlary duşuşar. Birinji oýnuň netijesine görä, Parižiň kluby 5:4 hasabyndaky ýeňşi bilen öňde barýar.

Çempionlar ligasynyň finaly 30-njy maýda Budapeştde geçiriler.