Türkmenistanyň Futbol federasiýasy ýurduň futbol boýunça Kubogynyň 1/4 finalynyň ilkinji duşuşyklarynyň tertibini yglan etdi. FFK-nyň metbugat gullugynyň habar bermegine görä, ähli dört oýun 6-njy maýda geçiriler.

Ilkinji duşuşyk sagat 17:00-da Türkmenbaşy şäherindäki «Şagadam» stadionynda başlanar. Bu ýerde ýerli «Şagadam» topary «Köpetdagy» kabul eder. 45 minutdan soň, sagat 17:45-de Aşgabat şäheriniň Büzmeýin etrabyndaky Sport toplumynda «Altyn Asyr» «Aşgabat» toparynyň garşysyna oýnar.

Sagat 18:00-da ýene-de iki oýun başlanar. Paýtagtmyzdaky «Aşgabat» stadionynda «Ahal» bilen «Nebitçi» duşuşar, «Nusaý» stadionynda bolsa häzirki kubogyň eýesi «Arkadag» «Merwi» kabul eder.

Ozal Türkmenistanyň Futbol federasiýasynyň habar berişi ýaly, çärýek finalyň jogap duşuşyklary 24-nji iýunda geçiriler.