Ýurduň iň iri gurluşyk kompaniýalarynyň biri bolan «Ojar Aziýa» Türkmenistanda geçirilýän iri halkara çärelerine işjeň gatnaşyp, «Hyzmatdaşlyk we ösüş» atly halkara köp ugurly sergide jemgyýetçilik taýdan möhüm hem-de döwlet üçin strategiki ähmiýete eýe bolan birnäçe taslamalary bilen çykyş etdi. Kompaniýa «AZIÝA – Arkadagly Zamana Işewürlige Ýol Açdy» diýen şygardan ugur alyp, Arkadagly döwürde telekeçiligi ösdürmek ugruny şöhlelendirýär.

Hödürlenen başlangyçlaryň arasynda Sarahs–Mary–Serhetabat ýokary tizlikli awtomobil ýolunyň gurluşygy aýratyn orun eýeleýär. Bu taslama ýurduň sebitlerini özara baglanyşdyrmaga hem-de onuň ulag-üstaşyr infrastrukturasyny berkitmäge gönükdirilendir. Taslama ýerli we daşary ýurtly hususy maýa goýumlaryny çekmek arkaly amala aşyrylýar, şolaryň ep-esli bölegi Hytaý Halk Respublikasyndan bolan hyzmatdaşlara degişlidir.

Bellemeli tarapy, kompaniýa 2025-nji ýyldan bäri Türkmenistanda Dongfeng Motor Corporation, Great Wall Motors hem-de INFORE ENVIRO ýaly öňdebaryjy hytaý öndürijileriniň resmi wekili bolup çykyş edýär.