Ýaponiýa «otly şar» gaçdy diýip, «SHOT» telegram-ýaýlymyna salgylanýan «rg.ru» habar berdi. Geň tebigy hadysany penşenbä geçilýän gije ýurduň Kagosima, Miýadzaki we beýleki köpsanly şäherleriniň ýaşaýjylary synladylar. Adamlar asmandan ýere gaçýan mämişi şary gördüler. Ol asman daşy (meteroit) bolmaly diýlip çaklanýar.

Wakanyň şaýatlarynyň surata düşüren wideoşekillerinde gijeki asman görünýär. Ol gök, goýy gyzyl we mämişi reňklere boýalýar. Soňra ak-sary reňkli şar görnüşli zadyň ýere tarap gaçýandygyny synlamak mümkin. Ýagty şöhleden soňra ol ýitirim bolýar.