Türkmenistanyň «Ahal» futbol kluby AFK-2 Çempionlar ligasynyň deslapky tapgyrynda myhmançylykda Täjigistanyň «Regar-TadAZ» topary bilen duşuşar.

Oýun şu gün, 13-nji awgustda Tursunzade şäheriniň «TALKO Arena» stadionynda geçiriler, duşuşygyň başlanýan wagty Aşgabat wagty bilen sagat 17:00-da.

Duşuşygyň göni ýaýlymyny sagat 16:50-den başlap Täjigistanyň «Futbol» we «Warziş» teleýaýlymlarynda tomaşa edip bolar.

Bu duşuşykda ýeňiji bolan klub AFK-2 Çempionlar ligasynyň toparçalaýyn tapgyryna çykar, ýeňlen topar bolsa AFK-nyň Çagyryş ligasynyň toparçalaýyn tapgyrynda çykyşyny dowam etdirer.