Girmek
Moskwa şäherinde «Rus ruhy älem giňişliginde» atly ilkinji kosmos fotosergisiniň Ýere dolanmagy mynasybetli dabaraly kabul edilişik geçirildi. 12 bölümden ybarat bolan sergi Russiýa Federasiýasynyň we Türkmenistanyň Gahrymany Oleg Kononenkonyň serkerdeligindäki «Roskosmosyň» kosmonawtlar topary Halkara kosmos stansiýasynda mahaly guraldy. Bu barada TASS habar berýär.
Sergä HKS-da 6 sany rus kosmonawty, 10 sany amerikan kosmonawty, şeýle-de «Axiom Space» syýahatçylyk missiýasynyň halkara ekipažy tomaşa edipdir. Serginiň guramaçylary bolup «Roskosmos» hem-de Russiýanyň Parahatçylyk gaznasy çykyş edýär.
Taslamanyň jemleri boýunça Oleg Kononenko Russiýanyň Parahatçylyk gazansynyň medaly bilen sylaglanyldy.
Ýeri gelende, Oleg Kononenkonyň kosmosda geçirilen umumy wagty boýunça dünýä rekordynyň eýesi hökmünde şu ýylyň sentýabr aýynda bäşinji uçuşyndan gaýdyp gelendigini ýatladýarys. Onuň şu wagta çenli kosmosda geçiren günleriniň sany 1111-e deňdir.